![29793850_1844951768872852_2046625506513649664_n.jpg](https://steemitimages.com/DQmVkaaQRZ57XKG6bWmUijgLs7RhxFUfQS4mgTiEYaeiZvc/29793850_1844951768872852_2046625506513649664_n.jpg) O ang init ng panahon sa Pilipinas Lalo na kung sa katanghalian ikaw ay nasa labas Nang walang payong, sumbrero, puno, o bubong sa ibabaw mo Ingat ka at baka uminit din ang ulo mo. Kung sa daan pa ay naabutan ng bigat ng daloy ng trapiko, Tila walang hanging dadampi sa balat ng mukha mo. Kung sa aircon bus sumakay at nalamigan kahit papaano, Ingat sa paglabas, init at baka balisawsaw ang sumalubong sa’yo. Pero huwag mag-alala, karamiha’y bakasyon na. Makakaligo na sa pool, ilog, talon, o dagat; magbabad na! Samahan pa ng pagkain ng saging con yelo o halo-halo, Iba-iba man minsan ang timpla, siguradon palamig pa din ito.

Image Source: Lutong Pinoy Filipino Restaurant

Source: Entrepreneur Staff

May iba naman na tulad namin na may pasok pa sa paaralan Nausog ang kalendaryo sa pagsimula ng pasukan Kung hindi makasama sa paggala o ligo ay pagpasensiyahan Magbabakasyon din kami pagkatapos, mahuhuli lang naman. Sa iba na nagtitipid o nasa panahon ng pag-iipon, Paandarin ang electric fan and baso ng iced tea ang solusyon Ilang buwan lang naman dadating ang pinakamatinding init sa taon Diskartehan natin ang pagtawin sa init ng panahon.

![](https://steemitimages.com/DQmSvWhg3HJCk1gS849Bmf5tjCCUwyaMt6Lw7BoVjYj2MKN/image.png) *Ang tulang ito ay isinulat sa kalagitnaan ng anim (6) na oras na byahe pauwi sa amin kung saan sinalubong pa ako ng mabigat na daloy ng trapiko dahil sa mga ginagawang kalsada.* *Ang unang larawan ay kuha ng nagsulat ng tulang ito.* Ingat sa matinding init! Salamat sa pagbabasa! :)