***Magandang buhay Pilipinas! Nawa po ay masaya at malusog ang lahat at nasa mabuting kalagayan.*** 20% set to @steemitphcurator as beneficiary. ![PSX_20211006_195026.jpg](https://cdn.steemitimages.com/DQmTFY7e5VxMsDVAqeBxPGDUAGDLBb8LZKeesjXzh57viUp/PSX_20211006_195026.jpg)

Lugaw na may kasamang Lumpia sa maulan na panahon ay talaga namang napakaperpekto lalo na ngayon na may bagyo na nagdadala ng maulan na panahon sa bansa. Ang lugaw na ito ay mainit-init pa kapag i-serve nila sa kanilang customer. Ang lumpia naman nila ay ganun rin sa kadahilanang ang tinda nila ay talaga namang binabalikan at pinupuntahan ng mga taga rito.

### ![PSX_20211006_195240.jpg](https://cdn.steemitimages.com/DQmNdge3E5Q9CEbb25gAoT2CtesAPGTwJtWcKwZj9egAcip/PSX_20211006_195240.jpg)

Tuwing linggo pagkatapos magsimba ay tiyak na sa lugawan kami pupunta, hindi lang kami pero halos lahat ng taga-rito ay paborito itong lugawan. Mapa-bata, matanda o teens pa man yan ay mag-aantay at mag-aantay ng bakanteng pwesto para makakain lamang.

###

Walang kupas naman talaga ang sarap ng kanilang lugaw at lumpia at mababalanse rin ang paglagay ng pepper at patis ayon sa gusto mo dahil tayong customer ang naglalagay nito. Ganon din sa lumpia pwede kang mamili ng maanghang o hindi na ketchup.

###

Hindi makakaabala ang mga ito sa diet mo dahil ang laman ng lumpia nila ay gulay at kaunting manok lamang ang makakain mo sa lugaw na hindi naman nakakadismaya dahil siguradong ganadong-ganado ka kapag nasa harap mo na ito at talaga namang uuwi ka ng busog at masaya.

###

Pagdating sa pagkaing lugaw at lumpia, karamihan sa ating pinoy ay marunong at madiskarte na gagawa at gagawa ng paraan at pwedeng-pwede naman talagang ihain sa bahay. Sa tingin ko lugaw yata ang pinakamadaling lutuin maliban sa itlog at di lingid sa ating kaalaman na kapag may sobrang kanin ay pwede ito gawing lugaw upang hindi masayang na sa totoo naman ay talagang nakakatuwa na meron tayong angking diskarte na minana at nai-aaply sa iba pang pamamaraan.

### ![PSX_20211006_195324.jpg](https://cdn.steemitimages.com/DQmSeej1gsAnfhZVYcGEXByTbDeJL6w7rLi4u6ASGnEi87f/PSX_20211006_195324.jpg)

Bago ko makalimutan ang lugaw nila ay mabibili sa halagang 10.00 at 5.00 naman ang lumpia at ang total na nabayaran namin ay 65.00(Philippine peso) kasama na ang softdrink. Sa maliit na halaga ay tiyak na busog ang tiyan. At laging tatandaan ang buhay ay weather weather lang ika nga ni kuya Kim kaya panatilihing malusog at may laman ang tiyan sa kabila ng bagyo na dumating sa buhay.

### *Nais kong imbitahan sina @georgie84, @traderpaw at @sweetmaui01 . Hanggang sa muli Pilipinas!* **Maraming salamat at God Bless po sa ating lahat!** ***Mabuhay Pilipinas!*** Regards, @lealtafaith