![WhatsApp Image 2021-12-05 at 8.50.05 PM.jpeg](https://cdn.steemitimages.com/DQmXtFqJufXvWyb2CiyQ4FudAhvHHC73JbpFwxxr2M8fYf6/WhatsApp%20Image%202021-12-05%20at%208.50.05%20PM.jpeg)

අදත් මන් කියන්න යන්නෙ යාලුවො ටිකක් එක්ක හදිසියේම සමරපු උපන්දිනයක් ගැන. ඒත් මේක අහම්බෙන් උන දෙයක් නිසා මමයි තව යාළුවො තුන් දෙනයිතමයි ගියේ.

![WhatsApp Image 2021-12-05 at 8.50.05 PM (1).jpeg](https://cdn.steemitimages.com/DQmYNTvXz1Bbxcst1mCmtKisJb7y7jgv4uq64YhWrk8JDme/WhatsApp%20Image%202021-12-05%20at%208.50.05%20PM%20(1).jpeg)

මුලින්ම කියන්නම් මේක පටන් ගත්තෙ කොහොමද කියල. උදේ පාන්දර නැගිටලා ෆෝන් එක අතට අරන් facebook හරි වෙන මොනා හරි ඕප දූප ටිකක් හොයන එක ගොඩාක් අයගෙ පුරුද්ද්ක් වෙලා තියෙන්ව. ඒ පුරුද්ද මටත් ඒ විදියටම තියෙනවා. කොහොම හරි එක දවසක් උදේ නැගිටල facebook ගියම ඉස්සෙල්ලම බලන්නෙ notification මොනාද අවිල්ල තියෙන්නෙ කියල. ඒකෙන් තමයි දැනගන්නෙ දවසේ උපන්දින තියෙන අය කවුද කියල. මටනම් කගෙවත් උපන්දින නම් මතක් නෑ. Facebook එකෙන් තමයි ගොඩක් අයගේ දැනගන්නෙ. සමහර වෙලවට මට මගේ එකත් අමතක වෙනව.🙊 කොහොමහරි එදා උදේ බලද්දි උපන්දින ලිස්ට් එකේ මගේ හොදම යාලුවෙකගේ උපන්දිනයත් තිබුණා. ඊට පස්සේ තමයි උපන්දිනේට සුභ පැතුව පොඩි මැසේජ් එකක් දාල. නිකමට වගේ කිව්ව පාටි එකක් දෙන්න කියල. ඊට පස්සෙ යාළුවා කිව්ව ගෙදර ආවොත් දෙන්නම් කියල. මටනම් ගොඩක් අය ඔය කතාව ගොඩක් වෙලාවට කියලා තියෙනවා. ඒක නිසා වැඩිය හිතුවෙ නෑ. පස්සෙ මට තව යාලුවෙක්ගෙන් call එකක් ආව අර උපන්දිනය තියෙන යාලුවගෙ ගෙදර යමුද කියල. මොකද මේ යාලුවටත් මට කියපු එකම කියල තියෙනවා. එදා නිවඩු දවසක් නිසා කම්මලි කමේ ගෙදර ඉන්න එකේ තව යලුවෙක් අල්ලන් උන්ගෙ ගෙදර ගියා. අපි යන ගමන් කෝල් කලා අපි එන්ව කියල. පස්සෙ ඉතින් යාලුවට කරන්න දෙයක් නෑ. ඊට පස්සෙ තමයි යාලුව කිව්වෙ පාටි දෙන්නම් කොහේ හරි යමු කියල. පස්සෙ යාලුවත් මගට අවිත් 4 දෙනත් එක්ක කතාවෙලා අපි යන්න තැනක් බැලුවා. මේක සිද්ද උනේ වහින දවස් වල නිසා අපිට යන්න තැනක් හොයන එක තමයි අමාරුම දේ උනේ. ඒත් ඉතිං තෙමුණත් කමක් නෑ කියලා වලස්මුල්ලේ තියෙන ඇල්ල ළඟට යන්න අපි පිටත් වුණා.

![WhatsApp Image 2021-12-05 at 8.57.22 PM.jpeg](https://cdn.steemitimages.com/DQmXShN41Mvx9tAqJ6gCZSMHcuFUByCzrjQtF8WCKYBiBVf/WhatsApp%20Image%202021-12-05%20at%208.57.22%20PM.jpeg)

ඊට පස්සෙ කන්න බොන්නත් යාලුව ගානෙ අරගෙන අපි කෙලින්ම ගියෙ ඇල්ල බලන්න. අපිට ඇල්ලට යනකන් කාලයක් තිස්සෙ අපිට කරදර කරපු වැස්ස කරදර නොකලත් එතනට ගියාට පස්සෙ නම් හොදටම කරදර කලා. මොකද අපි එතනට ගියේ ඇල්ල පහලින් තියෙන ගල් තලාවෙ සින්දු කියන්න. කොහොම හරි වැස්ස පායනකන් අපි ඇල්ල ලග තියෙන වැස්සට නොතෙමෙන තැනකට වෙලා යාලුව ගනිපු කෑම ටික කාල එතන ඉදන් සින්දු කිව්ව. අපි ඉතින් සින්දු කියන්න අපේ ගිටාර් එකයි බොන්ගො එකයි අරන් ගියා.

![WhatsApp Video 2021-12-05 at 9.gif](https://cdn.steemitimages.com/DQmTo4r7zqWQyZQTosrbJo9ZuWMF42h2LjAc6rq1w4wcpyq/WhatsApp%20Video%202021-12-05%20at%209.gif)

ටිකෙන් ටික වැස්ස නම් අඩු වුණා. පස්සේ අපි හිතාගෙන හිටපු විදියටම ඇල්ල පහලින් තියෙන ගල්තලාවේ සින්දු කියන්න පුළුවන් වුණා.පස්සේ නම් අපිට වැස්ස කරදර කළේ නෑ. එතන නම් ඇත්තටම ඕනම කෙනෙක්ට නිදහසේ පාඩුවේ ඉන්න පුළුවන් ලස්සන තැනක්.

කොහොමහරි අන්තිමට දවසම අපි එතන ගත කළා. ආපහු එතනින් පිටත් වෙන්න පටන් ගනිද්දිම වැස්ස නම් ආපහු පටන් ගත්තේ හරියට අපි සිංදු කියනකං බලන් හිටිය වගේ .😁🙊වැස්සෙ තෙමි තෙමිම අපි අන්තිමට ගෙවල් වල ගියා. ❤

ස්තුතියි..!!