අපේ අවිය දැනුම අවිහිංසාව හා ආදරයයි. 09 වෙනිදා සිද්ධ වුණු සිද්ධියෙන් පසු බහුතරයක් ජනතාවගේ සිත් ලොකු තරහකින් සහ කනස්සල්ලකින් පිරෙන්න ඇති. මේ තත්ත්වයන් සාමකාමී වුණායින් පස්සේ තමයි හිතට හරි පොඩි සහනයක් දැනුනේ.

![WhatsApp Image 2022-05-12 at 3.27.21 PM (2).jpeg](https://cdn.steemitimages.com/DQmWhuaMb9Lyw9tgkbdtpJkKSLeRFfBpWLT8nvRtBUvxYtn/WhatsApp%20Image%202022-05-12%20at%203.27.21%20PM%20(2).jpeg) [Facebook](facebook.com)

මාසෙකට වඩා පැවැති මේ සාමකාමී අරගලය ජාති භේද, ආගම් බේද නැති ආදරයෙන් පිරුණු අරගලයක් විදියට පවත්වාගෙන ගියා. මේ ආදරණීය අරගලයේ ප්රධාන අරමුණක් වන්නේ රට පාලනය කරන දූෂිත පාලකයන් ඉවත් කර දූෂණයෙන් වංචාවෙන් තොර රටක් ගොඩ නැගීමයි.

බහුතරයක් දෙනා මේ අරගලයත් එක්ක පුළුවන් සෑම වෙලාවකම එකතුවෙලා හිටියා. ලොකු මිනිහගේ ඉඳලා පොඩි මිනිහට යනකම්ම මේ අරගලයට එකතු වුණා. මොකද ඒ හැම මිනිහෙක්ටම මේ අර්බුදය දැනුණු නිසා. අපි දැකල තියනවා ඕන තරම් උද්ඝෝෂණ කරනවා. ඒ තම තමන්ට ආව ප්රශ්න නිසා. ප්රශ්නය තමන්ගේ වෙනකන් මිනිස්සුන්ට ඒක දැනෙන්නේ නෑ. මම හිතන විදිහට ගොඩක් මිනිස්සු ආත්මාර්ථකාමියි. මේ පාර දූෂිත පාලකයන් විසින් දාපු ප්රශ්නය හැමෝගෙම උන නිසා තමයි හැමෝම එකා වගේ අරගලයත් එක්ක එකතු වෙලා ඉන්නේ.

2022 මැයි මස 09 වන දින කවදාවත් අමතක නොවන දවසක් වේවි. මොකද මාසයක් තිස්සේ කිසිම කෙනෙක්ට කරදරයක් නොකර සිදුකරගෙන ගිය සාමකාමී අරගලයට කුලී මැරයන් යොදා ගෙන සිදුකළ ඒ ප්රචණ්ඩකාරී ප්රහාරයක් නිසා. කිසිම ආයුධයක් නොමැතිව ආදරය පමණක් අතැතිව සිටි ඒ අරගල කරුවන්ට සුළු මොහොතකින් ඉතා නින්දිත විදියට පහර දුන්නා. ඔයාලා හැමෝම ඒක දකින්න ඇති. ඒකට ප්රධානතම වගකිව යුත්තෝ මම හිතන විදිහට මේ අමන දේශපාලඥයින්.

එදා ඒ මොහොත වෙද්දි අරගල භූමියේ රැඳිලා හිටියේ ඉතා සුළු පිරිසක්. ඒ නිසා ඒ ආයුධ අතැති මැරයන් ඒ අරගල භූමියේ හිටපු පිරිසට සහ එහි තිබූ සෑම දෙයක්ම ගිනි තබා විනාශ කර දැමුවා. ඒ පහර දෙන හැටි දැක්කම ඇත්තටම කාට උනත් පුදුම තරහක් එනවා. තමන්ගේ ලග කෙනෙක්ට කරදරයක් වෙනවා වගේ හැඟීමක් ආවෙ. ඇත්තටම ඒක ඔප්පු වුණා ඒ සිද්ධිය වෙලා ඉතා කෙටි කාලයක් ඇතුළත මුළු ලංකාවක් ම එකට එකතු වුණා. ඒ මොහොතේම ගෝල්ෆේස් එක අවට රාජකාරි වල නිරත වෙලා හිටපු අය තමුන් වැඩ කරමින් ඉන්න ගමන් එතන අයට සහයෝගය දෙන්න ඇවිල්ලා තිබුණා.

![WhatsApp Image 2022-05-12 at 3.26.25 PM.jpeg](https://cdn.steemitimages.com/DQmNexyF3HvE6A7qhqhaR3MMSnVQsqyzs47dfKH68MnfCPq/WhatsApp%20Image%202022-05-12%20at%203.26.25%20PM.jpeg) [Facebook](facebook.com)

තේරුම් ගන්න ඇති මේ අරගලය කොච්චර සමගියක් තියෙන කියලා. නීතිඥවරු ද මේ අරගලයට දෙන සහයෝගය කියා නිම කරන්න බෑ .

![WhatsApp Image 2022-05-12 at 3.26.24 PM (1).jpeg](https://cdn.steemitimages.com/DQmVpdnDkpgqtinbGT9Di83vrKj1uNUhGN1msQLtgX4DZ4F/WhatsApp%20Image%202022-05-12%20at%203.26.24%20PM%20(1).jpeg) [Facebook](facebook.com)

"ප්රහාරය අශිෂ්ට නම් ප්රති ප්රහාර වල ශිෂ්ටත්වය හොයන්න එපා" මේ කියමන වගේම එදා එල්ල වූ ප්රහාර වලට ප්රති ප්රහාර එල්ල වුණා.

![WhatsApp Image 2022-05-12 at 3.27.21 PM (1).jpeg](https://cdn.steemitimages.com/DQmNXMFmB6RjcgzLKKopbSqJHyEcpcPtsf8YC145WSW8DBd/WhatsApp%20Image%202022-05-12%20at%203.27.21%20PM%20(1).jpeg) [Facebook](facebook.com)

අන්තිමේදී මේක ගෙවල් වාහන පවා ගිනි තියන්න තරම් දුර දිග ගියා. මේ වන විට නම් තම තමන් පාලනය වෙලා ඒ දේවල් නැවතිලා තියෙනවා. සාමකාමී අරගලය ප්රචණ්ඩකාරී අරගලයක් කිරීමට එක එක කණ්ඩායම් උත්සාහ කළා කියලා මට හිතෙනවා. කොහොම උනත් මට හිතෙන්නේ මේ අරගලය සාමකාමීව පවත්වාගෙන යමු කියලා. අරගලයට ජය 💪💪

ස්තුතියි..!!